ગેન્ગ્ઝ ઓફ વાસ્સેપુર !

લાંબા ગાળાના બ્લોગ લેખનના ઉપવાસને આજે આ તીખા તમ તમતમતા મૂવીની વાત સાથે તોડવા ગમી રહ્યા છે...


ગેન્ગ્ઝ ઓફ વાસ્સેપુર !- એટલે ભારતનો ભૂતકાળ અને સિનેમાની આવતીકાલ !
રીલીઝ થયાને બીજા-ત્રીજા દિવસે જ જોઈ લીધું હતું....આમેય અનુરાગ કશ્યપ  હોય ત્યાં ફિલ્મ જોવા માટે રાહ જોવી સારી નહિ !
એના વિષે ઘણા મિત્રો સાથે ઘણું શેર કર્યું....કેમ ય કરીને લખવા માટેના એન્ગલ સતત બદલાતા રહ્યા... પછી થયું છોડ યાર...સિમ્પલી બધાને કહી તો દઉં કે “નથી જોયું તો જોઈ આવો” !!!
એક પરફેક્ટ ફિલ્મ...
વાર્તા છે બિહારના વાસ્સેપુરની... આઝાદી પૂર્વેથી – સુલતાના ડાકૂથી શરૂ થાય છે...અને અપૂર્ણ જાહેર થાય છે...૧૯૯૩ ની આસપાસ ! (આ ૧૯૯૩ ક્યાં આધારે કહું છું...એ ફિલ્મ જોયા પછી કોઈ નોટીસ કરે તો કોમેન્ટ આપજો !)
ગજબ ડીટેઈલ ડાયરેક્શન...એક એક દ્રશ્ય જાણે ભજવાઈ નથી રહ્યું...પણ આપણી આંખો સામે બની રહ્યું છે...આપણે તે ભીડનો હિસ્સો હોઈ તેવી લાગણી જન્મે... શરૂઆતની ધડાધડી પછી વાસ્સેપુરનું બેકગ્રાઉન્ડ સમાજવતી પિયુષ મિશ્રાની સ્પીચ...જાણે આ ફિલ્મ નહિ ડોક્યુમેન્ટરી હોય અને તેથી જ આખા મુવીના કોમ્પ્લેક્ષ પાત્રો આપણે યાદ રહી જાય છે...
તા.ક જેમની યાદશક્તિ નબળી હોય તેમને મૂવી પછી આ ચાર્ટ જોઈ લેવો !

મનોજ બાજપેયી કદાચ સરદાર ખાન બનવા જ એક્ટર બન્યો હશે ! (જેમ અમજદખાન ગબ્બરસિંગ )
લડાઈ, ક્રોધ, ડર, સ્ત્રી આકર્ષણ, સ્નેહ, બદલાની ભાવના કે રમુજ... ઓલ આર પરફેક્ટ...એનાથી વિશેષ કશું જ ના થઇ શકે ! ધેટ્સ ઇટ !

સરદાર ખાનની પત્નીનો રોલ નિભાવતી રીચા ચઢ્ઢા મારા માટે મુવીનો સુખદ આંચકો ! આખા ગામનો ઉતાર પતિ હોય અને તેની લુખ્ખાગીરી વચ્ચે બાળકો મોટા કરવાની જવાબદારી હોય તે સ્ત્રી કેવા સ્વભાવની હોય...હુબહુ....પતિને બહાર બીજી સ્ત્રી સાથે જવાની છૂટ આપતી વખતે “ठीक से खाओ, बाहर जा रहे हो ...इज्ज़त का सवाल है !”

પ્રેક્ષકો આ આંચકો સહન જ ના કરી શકે...એટલે આખો હોલ ચીચયારીઓથી ઉભરાઈ જાય ! અને હા...આવા તો અનેક સંવાદો અને વળાંકો...છે...
ફિલ્મના અન્ય પાત્રો -રીમા સેન ... ઓ વુમનીયા ગીત તો જોયું હશે...



 તેમાંય કપડા ધોવાના એક દ્રશ્યમાં તેની અને મનોજ વચ્ચેનું ટ્યુનીંગ - કેમરો, ડીટેઈલિંગ અને એક્ટિંગ ની ઉચ્ચ કક્ષાએ લઇ જાય છે....
સરદાર ખાનના કાકાના રોલમાં પિયુષ મિશ્રા... જે નામને હવે કોઈ ઓળખની જરૂર નથી !
તેના બે દીકરામાં ફૈસલ બનતો નાવાઝ્ઝુદ્દીન સિદ્દકી..રોલ નાનો પણ અસર જબરજસ્ત...
અરે હા... આ ફિલ્મ અને પાનસિંહ તોમાર વચ્ચે એક લ.સા.અ. છે અને તે છે.... (હું શા માટે કહું...જાતે શોધી લો...) પણ તેમને પણ રામાધીરસિંહ ના પાત્રને જીવંત બનાવ્યું છે... ક્રૂર પણ ડરપોક રાજકારણી, બિઝનેસ મેન .... આ બધા માટે જે કંટ્રોલ રાખવો પડે હાવભાવમાં તે બખૂબી નિભાવ્યો છે....
ટુંકમાં બધા પાત્રો – બધા ચિત્રો...એકદમ સટીક... એક એક ફ્રેમ...ખુબ વિચારી ને ઘડાઈ છે... આજે આ પ્રકારના મૂવીને નહિ આવકારીએ તો કદાચ આપણે એ જ ઘીસી પીટી.... હમકો હમી સે ચુરા લો.... વાળી ઝાડ અને તેની આસપાસ નાચતા હીરો હિરોઈનના જમાનામાં જવું પડશે !
અને હા આ ફિલ્મ જોયા પછી મને સત્યજીત રે ના એરામાં ‘ના’ જન્મવાનો કોઈ અફસોસ નથી...આપણી પછીની પેઢીઓ...કહશે કે અરે...બોસ અનુરાગ કશ્યપજી નું ગેન્ગ્ઝ ઓફ વાસ્સેપુર જુઓ તો સમજાય કે ડાયરેક્શન કોને કહેવાય !!!
Thank you Anurag for GOW ! !
અને હા.. ફિલ્મની જેમ આ પોસ્ટ પણ કન્ટીન્યુ કરશે, હજુ તો તેના સંગીત વિષે ક્યાં કશું લખ્યું છે ??? 

3 comments:

Mehul Tewar said...

Common thing is "Ramadhir Singh" i mean Tigmanshu Dhulia who is the director of Paan singh Tomar.

Mehul Tewar said...

Common thing is "Ramadhir Singh" i mean Tigmanshu Dhulia who is the director of Paan singh Tomar.

Rakesh patel said...

Yes, Mehulbhai He is the common b/w these movies !

Newer Post Older Post Home
© Rakesh Patel NvndsR. Powered by Blogger.

Followers


Recent Comments