તારે ઝમીન પે અને કોમ્પ્યુટર પ્રોગ્રામ !

એક ફિલ્મ જેટલી પણ વખત જોઈએ તેટલી વખત તમને ભાવુક બનાવે!
દરેક વખતે તમને ખબર છે કે હવે પછી શું થવાનું છે?
હવે ફિલ્મનું એક એક દ્રશ્ય યાદ રહી ગયું છે!
કયું પાત્ર ક્યારે શ્વાસ લેશે તે પણ!
છતાં મોકો મળે તો જોઈ લેવાય છે...
આ વખતે કૈક નવું લાગ્યું!
કે શું સારું?
શિક્ષકો કે પછી ઇન્ટરેક્ટિવ કોમ્પ્યુટર પ્રોગ્રામ?
ફિલ્મ શરુ થાય ત્યાંથી જ ઇશાંત અવસ્થી આપણા પરિવેશમાં આકાર લેતો જાય છે..જો તમે પિતા હો તો તમારા સંતાનમાં કયારેક ઇશાંત લટાર મારી જતો દેખાય તો વળી તમે એક શિક્ષક હો તો તો ઘણા ઈશાંતો ઘેરી વળે!
ફિલ્મ પોતે જ એક સીમાચિહ્ન છે!
ડાયરેક્ટર આમીર અભિનેતા આમીરને ધોબી પછડાટ આપે છે.
કમસે કમ આ ફિલ્મ પછી...
બાળકોને ગુનેગારના કઠેરામાં ઉભા રહેવામાંથી મુક્તિ જરૂર મળી છે!
ડીક્સ્લેસીયા જ ફિલ્મનું ટાર્ગેટ નહોતું...[કે નહોતું જ!]
પણ ફિલ્મમાં આવતી કવિતાની જેમ આપણો દ્રષ્ટિકોણ બદલવાની કવાયત હતી...
 “ દ્રષ્ટિકોણ”- કેવો છે?

“જો દીખતા હૈ હમે લગતા હૈ - હૈ,
જો નહિ દીખતા હમે લગતા હૈ - નહિ હૈ.
પર કભી કભી
જો દીખતા હૈ વો નહિ હોતા,
ઔર
જો નહિ દીખતા હૈ વો હોતા હૈ!”


સમાજ પોતાના સંતાનોને પ્રેમ કરે તેવા સંદેશ સાથે...
·         તેની કાળજી લેવી એટલે શું?
·         પોતાના સંતાનને માથે હાથ ફેરવવો એટલે શું?
·         તે નથી શીખી શકતો એ તેનો દોષ નથી..
·         તેને કશુક નથી આવડતું એનો અર્થ એવો નથી કે તેને શીખવું નથી!
·         દરેક બાળક વિશિષ્ટ છે.
·         દરેક બાળક શીખી શકે જયારે તેને પોતાની શીખવાની રીત અને પોતાનો શીખવાનો સમય આપવામાં આવે!
·         જીવનમાં આત્મવિશ્વાસ આત્મસન્માન પછી આવે છે.
·         શિક્ષક સૌથી પહેલા કેળવી લેવાનો ગુણ છે- ધીરજ !
પણ શું થાય?
આ બધું સમજાય તો છે... હાય રે ભારતીયપણું!
દુર્યોધન આપણા જ દેશમાં થઇ ગયો!(કેમ રામ- કૃષ્ણ ભારતમાં જન્મ્યા હતા તે વાતથી કેવા મરક મરક થઇ જવાય છે!)
હા તો દુર્યોધનો હજુ છે કે –જાનામિ ધર્મ ન ચ મે પ્રવૃત્તિ!”
ઇશાંત અવસ્થી કેટલા છે? એમ પુછું એના કરતા કેટલાય છે! એમ કહું તો જ વધુ યોગ્ય છે.
હવે પ્રશ્ન છે રામશંકર નિકુંભ કેટલા?
પ્રશ્નનો જવાબ મળી જાય તોય શું ? –
આપણે આજે તો જરૂર બધાય નિકુંભ સર હોય - કે જેઓ –
ધીરજવાન
બાળકની લાગણીને ઓળખી તેના Boss  ને બદલે Dost બની શકે!
“બંધ મુઠ્ઠી પે પાંચ નહિ પણ બંધ મુઠ્ઠીમાં પાંચ”- એમ માને તેવા!
પણ ફરી સારી સારી વાતો કરી આપણે ત્યાંના ત્યાં જ ઉભા થઇ ગયા કે-
લાવશું ક્યાંથી?
આપની પાસે શિક્ષક તૈયાર કરતી જેટલી પણ ફેકટરીઓ છે તેનું કોઈ બંધારણ તો છે નહિ.... હવે તમારે કઈ કવોલીટીનો માલ જોઈએ છે?
તેની તમને જ ખબર નથી તો કઈ ક્વોલીટી તમને મળશે?
[મારા બે વર્ષના પી.ટી.સી.(A course in Gujarat to be qualified to teach) માં મને પ્રાથમિક શાળામાં ક્યાં રજીસ્ટર કેટલા વર્ષો સાચવવાના તે સિવાય કઈ ખાસ યાદ આવતું નથી-
હા! એકાદ પ્રોફેસરનો મારા પરનો વિશ્વાસ(!?) કે આ તેનું પાઠ આયોજન  છે તેનાથી ઉલટી રીતે જ વર્ગખંડમાં વર્તશે!
એ વાત મને પ્રોત્સાહિત કરતી રહી કે મારે બાળકો સામે જઈને એવી રીતે વર્તવાનું છે કે જે બાળકોને ખુશ રાખી શકે નહિ કે પાછળ બેઠેલા માર્ક આપવાવાળા પ્રોફેસરને!]
હા હવે વાત જો આવા શિક્ષકો આપણા માટે સ્વપ્ન છે તો સત્ય શું છે?
થોડાક સમયથી નવરો હતો એટલે મોબાઈલ પર એકાદ બે ગેમ રમવાનો ટ્રાય કર્યો- ઇન્ટરેસ્ટીંગ!
તમારી ભૂલ થાય તો કોઈ કચ-કચ નહિ!
મસ્ત અવાજમાં કહે- Sorry try again”
બીજી વાર ભૂલ!
Would like to try do once again!”
ત્રીજી વાર ભૂલ-“ would you like some help? Press help.”
હેલ્પ દબાવવાથી એક હિન્ટ મળે કે તમે તે લેવલ પાર કરી શકો પછી બીજું લેવલ!
હવે એક તુલના જોઈએ એક Educational software અને એક Teacher (?) કેવી રીતે વર્તે !
શિક્ષક[?]
સોફ્ટવેર
·         તમને આવડે તો કહે મેં શીખવ્યું.
·         તમને પુરો મોકો આપે કે તમે એ ગૌરવ લઇ શકો આ તમે કર્યું છે!
·         ભૂલ થઇ તો બબુચક જો આટલું નથી સમજાતું?
·         ભૂલ થઇ સોરી ટ્રાય અગેઇન!
·         શીખવું એટલે હું બોલતો હોઉં તે!
·         શીખવું એટલે તમે જાતે જે મથામણ કરો છે તે –હું તો તમને જરૂર પડે ત્યારે મદદ કરું છું!
·         જુઓ પેલું ઝાડ છે એટલે ઝાડ જ છે- બીજું કઈ નહિ!
·         મને ય ક્યાં ખબર છે? તમે  જ વિચારી જુઓ ને શું છે?
·         મારો કોઈ વાંક નથી મેં તો બરાબર જ શીખવ્યું હતું તું જ મૂર્ખ છે કે જેથી તને આવડતું નથી!
·         કોઈ મૂર્ખ નહિ જેવી રીતે કોઈ હોશિયાર નહિ...જે જેટલી ઝડપે આગળ વધે તે આગળ જાય પણ હું તો દરેકને જે તે  લેવલે સરખી જ મજા આપું છું!


હું જાણું છું કે એક સોફ્ટવેર આ સિવાય બીજું ઘણું બોલી શકે અને એક શિક્ષક(?) બીજું ઘણું તોડી શકે...
પણ આ પ્રકારના Software કે  Robot  ક્યારેય માનવીય રીતે બાળકો સાથે ના વર્તી શકે....
·         તેઓ માથે હાથ નથી ફેરવતા...
·         તે બાળકની આંખોને સમજી શકતા નથી...
·         તે બાળકને “મૈ હું ના!” જેવા શબ્દો તો બોલી શકે પણ તેવો અહેસાસ નથી કરાવી શકતા....
·         તે બાળકને એ નથી કહેતા કે હું સમજી શકું છું....
હવે આ બધું માનવીય છે તો પછી બધા શિક્ષકો(?) આવી રીતે કેમ નહિ વર્તતા હોય?
પડકાર શિક્ષકો સામે નહિ પડકાર જે શિક્ષકોને તૈયાર કરે તે સંસ્થાઓ સામે છે...
જાગીએ નહીતર બધાને લઈને ઊંડી ખીણમાં જઈશું!
આંખોના બે ખૂણામાં થયેલી ભીનાશ એવા શિક્ષકોને અર્પણ કે જેમની પાછળ મેં પ્રશ્નાર્થ (?) લગાવે રાખ્યું.

5 comments:

vora said...

saras...mane pan aa film bbahu gami che....me ptc karyu che....maitri vidyapith,surendranagar thi...hu bahu nasibdar chu ke mane avi sanstha ma thi ptc karva malyu che..ame tyathi jivanlakshi education lidhu che...ena vishe lakhay etlu ochu che....

Rajendra Joshi said...

rakeshbhai
afrin...afrin
no other word 2 xpres my feelings.
Keep*it*up*sirjimy feelings.
Keep*it*up*sirji

Dipak Valand said...

superb....ક્વાલિટી એજ્યુકેશન માટે ક્વાલીફાઈ શિક્ષક ની ભરતી કરવી તેની કોઈ ને પરવા જ નથી ...સ્કૂલ કોલેજ પૈસા બનાવવા વાળા થઇ ગયા છે,કદાચ પ્રાઈવેટ ટ્યુશન ચલાવતો વ્યક્તિ પ્રાઈમરી શિક્ષક થી વધુ માસિક ઇન્કમ ધરાવતો હશે....we need to be responsible for a well education to our children. In us lies the power and in us lies the effort too!!! Atlist we must worry about education....
excellent....

Solanki Vanraj said...

કદાચ હું શિક્ષક જ છું (મારો પોતાનો !!!!!!!!!!).............

એટલે જ મેં આ શિક્ષકો માટે ની પોસ્ટ આખી વાંચી !!!!!!!!!!!!!!!!!

અદભુત ......!!!!!!!!!!!

શું કહું સાહેબ !!!!!

લાગે રહો રાકેશભાઈ !!!!!!!!!!!! કીપ ઈટ અપ !!!!!

આમ જ થોડી થોડી જાગૃતિ લાવવાનો પ્રયત્ન ચાલુ રાખો !!!!!!!!

છેવટે એક દિવસ તો તમારી મહેનત કામ આવશે!!!!!!!!!!!

હું આ પોસ્ટ share કરી બને તેટલી વધારે લોકો સુધી પહોચે એવો પ્રયત્ન કરીશ......

DR.MAULIK SHAH said...

very well written. Few of the things i heard@ahmedabad. A friendly advise just improve readabiltiy of blog. If possible change template.

Newer Post Older Post Home
© Rakesh Patel NvndsR. Powered by Blogger.

Followers


Recent Comments