વંદે માતરમ અને વિવાદ?-ભારતની તાસીર.


વર્ષ -૧૮૭૫ના -
દુર્ગા પુજાના તહેવાર નિમિતે બંકીમચંદ્ર ચટોપાધ્યાય ,
પોતાના વતન કાન્તાલ્પાડા(?-ચોક્કસ યાદ નથી આવતું ) ટ્રેનમાં જઈ રહ્યા હતા.ટ્રેનના ડબ્બાની બહાર દેખાતા ખેતરો, વૃક્ષો , ફૂલો, ફળો ,નદી , ઝરણાંને જોઈ બંકિમચંદ્રને પ્રેરણા મળી. અને તેમણે ટ્રેનના ડબ્બામાં જ એક ગીત રચ્યું.
એ ગીત એ જ "વંદેમાતરમ".
આ ગીતનો તેમને પોતાની નવલકથા "આનંદમઠ" માં ઉપયોગ કર્યો,
ઈ.સ.૧૮૯૬માં કલકત્તા મુકામે કોંગ્રસનું અધિવેશન મળ્યું ત્યારે એ અધિવેશનમાં રવીન્દ્રનાથ ઠાકુરે પ્રથમવાર વંદેમાતરમ" ગીત સ્વર અને સંગીત સાથે ગાયું.

ઈ.સ.૧૯૦૫ના બંગાળના ભાગલા પછી ભારતમાં સ્વદેશી આંદોલન સક્રિય થયું.એ આંદોલનમાં બંગાળના મુસ્લિમો જુસ્સા પૂર્વક "વંદેમાતરમ" ગીત ગાતા

"બંગભંગ સમયે "વંદેમાતરમ" ગીત હિંદુ-મુસ્લિમ એકતાના પ્રતિક સમું હતું"
-ગાંધીજી

ઈ.સ. ૧૯૦૬માં કોંગ્રસનું બાવીસમું અધિવેશન કલકત્તામાં મળ્યું . ત્યારે જ "વંદેમાતરમ"ને રાષ્ટ્રગીતનો દરજ્જો આપવામાં આવ્યો હતો

રાષ્ટ્રવાદી મહમદઅલી જીન્ના પ્રાંરભના દિવસોમાં "વંદેમાતરમ" ગીત ઉત્સાહ પૂર્વક ગાતા. પણ ૧૯૩૫ પછી તેમનો રાજકીય અભિગમ બદલાયો અને ૧૯૩૭માં તો જીન્નાએ "વંદેમાતરમ"ગીતનો સખ્ત વિરોધ કર્યો. (સૌ. દિવ્યભાસ્કર)
અને એક વ્યક્તિને સાચવવા -મૌલાના આઝાદ,પંડિત નહેરુ , સુભાષચન્દ્ર બોઝ અને આચાર્ય નરેન્દ્ર દેવની એક સમિતિ રચાઈ .તેમણે આ ગીતનો પૂર્ણ અભ્યાસ કર્યો અને તારણ કાઢ્યું ,
“ગીતની પ્રથમ બે પંક્તિ ગાવા અંગે મુસ્લિમો માટે કોઈ ધર્મબાદ નથી.ગીત રાષ્ટ્રીય ગીત તરીકે પૂર્ણ યોગ્ય છે"
(આપને ગાઈએ છીએ તે પછીની એક લીટીમાં દુર્ગા શબ્દ આવે છે!!! એટલે તેમાં ધર્મ બાધ છે!)
નાં જાણે કેટલાય હિંદુ ધર્મ પાળતા લોકો અમે બિન સાંપ્રદાયિક છીએ તેનું ઢોલ પીટ્યા વગર જ કેટલાય ગીતો માં વપરાયેલો " અલ્લા..." શબ્દ બોલતા હશે!
આ બધા પછી પણ આટલા વર્ષો બાદ જયારે,જ્યારે સૌ જાણે છે કે "વંદે માતરમ " એ નારા સાથે કેટલાય યુવાનો(જેમાં કેટલાય ઇસ્લામ ધર્મ પાળતા યુવાનો પણ હશે) તે સમયમાં શહીદી વહોરી હતી- તેનું મુલ્ય નહિ. પણ અમે અલ્લા સિવાય કોઈની સામે નાં જુકીએ! તેવો ખોટો પ્રચાર!
કુરાન જાણકારોના મત મુજબ:
-કુરાને શરીફમાં એક શબ્દ છે " તયમ્મુમ " જેનો અર્થ થાય છે,
“જયારે વઝુ (નમાઝ પૂર્વે પવિત્ર થવાની ક્રિયા) કરવા માટે પાણી ઉપલબ્ધ ન હોય ત્યારે જે સ્થળે તમે હોવ ત્યાની મીટ્ટી-માટીને હાથ, પગ અને મોં પર ફેરવી દો તો પણ નમાઝ માટેની પવિત્રતા પ્રાપ્ત થઈ જાય છે"
(પ્રો. મહેબૂબ દેસાઈ)
જે ધર્મમાં વતનની મીટ્ટી-માટીને પવિત્રતા માટેના માધ્યમ જેટલી અહેમિયત આપવામાં આવી હોય તેને વંદન એમ કહેવામાં ધરમ લાજે કે તેની શોભા વધે?

"સલામાંલેકું"
કોઈ વ્યક્તિને આદર આપવા કહેવાય પણ એ.આર.રહેમાન જેવા એક સાચા મુસલમાન વડે જ્યાં વંદે માતરમ અને મા તુજે સલામ ગવાય તો બંને પક્ષ ની ટોળીઓ તેનો જ વિરોધ શરૂ કરે!

આશ્ચર્યમ !

જોકે મને હમણાજ ખબર પડી કે વંદે માતરમ નો સંવિધાન માં પણ ઉલ્લેખ છે અને તેને જન ગણ મન .. જેટલું જ માન અપાવું જોઈએ તેમ નોધ છે!
ત્યારે કહેવાતા દંભી બિનસામ્પ્રદાયીકો કે જેઓ નાની નાની વાતોમાં ભારતીય સંવિધાન નો છડે ચોક થયેલો ભંગ- ની બુમાબુમ કરે છે!
તેઓ આ વિષય પર કોઈ જગ્યાએ ક્યાંક કશું બોલ્યા હોય તેવું મને તો નથી લાગ્યું!
પણ આજ ભારતની તાસીર છે!
અહી જેટલું ગુંડારાજ અભણો નથી ચલાવતા તેનાથી વધુ તો હોઠ સિસોટી વગાડવા જેવો આકાર કરી રોજ ૮ વાગ્યે કોઈ ન્યુઝ ચેનલ પર આવી સુફિયાની વાતો કરવાવાળા કરે છે!
પ્રજા પણ શું કરે તેને ટીવી ઓન કરતા જ જે સભળાય તે સાંભળીએ એમ માનવામાં છે!

વંદે માતરમ તો બહુ નાની વાત છે!

તે રાષ્ટ્રનું માન છે ! તેથી શું થયું?
તેની તરફદારી કરવાથી તો તમે સમ્રદાયિક ગણી જાઓ તેનું ધ્યાન રાખી ને જ વાત કરાય ને!

એતો સારૂ છે કે ભાજપા -આર એસ એસ -વગેરેના હાથમાં હિંદુ તરફી નો ઝંડો પકડાવી દીધો છે!
નહીતર તેઓ પણ ક્યાંક વંદે માતરમ માટે થઇ સમ્રદાયિક બનતા ડરત!

ભલું થાજો હજુ કેટલાક સાચા મુસલમાન ભાઈ ઓ નું કે જેઓ હજુ એટલા જ પ્રેમ અને ઝનૂનથી વંદે માતરમ ગાય છે અને દેશ માટે શહીદી વહોરનાર ને ઈજ્જત બક્ષી આજના તકવાદીઓને લપડાક મારવાનું ચાલુ રાખે છે!
વંદે માતરમ

posted under , , |

0 comments:

Newer Post Older Post Home
© Rakesh Patel NvndsR. Powered by Blogger.

Followers


Recent Comments